Miami, Florida, 1ye avril 2020 - Check Cashing USA kontan anonse l ap ofri sèvis gratis bay tout premye entèvenan ak travayè swen sante jiska 25 avril 2020. Travayè swen sante ak premye entèvenan yo nan premye liy batay kont COVID-19 la, y ap travay san rete pou sove otan vi ke posib. Pou di yo mèsi pou sakrifis yo ak sèvis yo, Check Cashing USA ap ofri sèvis finansye gratis, tankou chanje chèk (valè jiska $50), prè sou salè* ak money order, bay moun vanyan sa yo ki vizite nenpòt nan 44 lokal li yo nan Sid Florid.
Travayè swen sante ak premye entèvenan ki abite nan Florida ap ka resevwa sèvis gratis lè yo met inifòm yo oswa lè yo prezante kat idantifikasyon anplwaye yo nan moman sèvis la.
Òf sa a disponib pou tout travayè swen sante, tankou:
- Paramedik
- Doktè
- Enfimyè
- Pèsonèl lopital
- Famasyen
- Teknològ Medikal
Ak premye entèvenan, tankou:
- Operatè 911
- Ofisye Polis
- Travayè gouvènman ki gen rapò ak sa
- Ponpye
- EMT
Check Cashing USA gen anpil fyète pou l bay kominote a yon kout men epi pou l ofri yon gran varyete sèvis ki reponn a bezwen finansye kliyan li yo.
Nenpòt moun ki enterese konnen plis sou òf gratis sa a ka vizite sit entènèt Check Cashing USA la oswa rele 1-833-FLA-CASH.
Konsènan Check Cashing USA: Check Cashing USA se enstitisyon finansye prensipal Sid Florid pou sèvis finansye pratik. Konpayi an ofri yon bon sèvis kliyan ak ajan ki pare pou ede moun òdinè ak prè sou salè, chanje chèk, peman bòdwo, transfè lajan ak lòt sèvis finansye. Kòm youn nan pi ansyen biznis sèvis lajan nan Sid Florid, yo sèvi kliyan yo depi plis pase 30 an.
--
*Frè prè yo ap ranbouse nan fen tèm prè a si kliyan an rachte prè a nan dat echeyans lan an lajan kach nan nenpòt nan lokal nou yo.
