Pa: Robert Hamilton - April 10, 2018
Check Cashing USA lanse yon kanpay pou ranmase lajan nan tout 44 lokal li yo nan Sid Florid. Kanpay la, ki ap dire jiska 30 avril, ap sèvi pou make Mwa Nasyonal Sansibilizasyon sou Otis.
Kanpay la mete kliyan ak anplwaye Check Cashing USA yo ansanm pou ranmase lajan pou sipòte Dan Marino Foundation, ki gen kòm misyon “Bay moun ki gen otis ak lòt andikap devlopmantal plis pouvwa.”
Depi plis pase 26 an, Dan Marino Foundation ap travay pou kreye inisyativ inik ki gen gwo enpak nan kominote a. Pami premye inisyativ nan kalite yo, gen Nicklaus Children’s Hospital Dan Marino Outpatient Center, Marino Autism Research Institute, Marino Adapted Aquatics, Summer STEPS Employment Programs, Virtual Interactive Training Agent Program (ViTA-DMF), epi kounye a pwogram apre lekòl segondè nan Marino Campus Broward ki sitiye nan sant vil Fort Lauderdale, ak Marino Campus Miami-Dade ki sitiye nan Modesto Maidique Campus (MMC) Florida International University (FIU).
Nan Marino Campus, enstriksyon nan klas la, konbine ak eksperyans travay reyèl, prepare elèv yo pou yo jwenn sètifikasyon endistri rekonèt nan tout peyi a nan Ospitalite ak Teknoloji Konpitè.
Gras a jenewozite kliyan ak anplwaye yo, Check Cashing USA distribye plis pase $100,000 an don bay plis pase 20 òganizasyon charitab atravè zòn Sid Florid la. Kliyan yo ka chwazi patisipe lè yo mande kesye a ajoute yon kontribisyon $1, $3 oswa $5 sou bòdwo yo. Dan Marino Foundation, yon òganizasyon charitab 501(c)(3), fè patenarya ak Check Cashing USA pou kreye yon enpak reyisi nan kominote a.
“Nou onore pou nou fè patenarya ak Check Cashing USA,” Mary Partin, PDG Dan Marino Foundation, di.
“Detèminasyon ak angajman Check Cashing USA nan kanpay sa a ap ede avanse misyon fondasyon nou an, epi tou li ap ankouraje sansibilizasyon ak enklizyon sou otis,” Partin ajoute.
“Nou trè fyè pou nou fè patenarya ak Dan Marino Foundation. Neve mwen, ki gen otis, enspire m pou m vle fè yon diferans pou li ak pou lòt moun tankou li,” Brian Socolow, direktè operasyon nan Check Cashing USA, di. “Lè m te li deklarasyon misyon fondasyon an, li te touche kè m, epi mwen te konnen se te bon òganizasyon an pou nou travay avèk li.
“Fondasyon an gen prèske menm kantite ane ak nou epi l ap sèvi menm kominote nou sèvi yo. Nou trè kontan pou nou kòmanse kanpay nou an nan magazen yo. Nou espere tou fè patenarya nou an grandi, ak kolaborasyon nan kominote a li ap bati,” Socolow di.
Pou plis enfòmasyon sou sèvis yo ak konpayi an, vizite CheckCashingUSA.com.
